Nazima - Koktem Valsi

Көк жібек жамылып,
Бәйшешек тағынып,
Келді көктем.
Жұпардай самалы,
Тербетіп даланы,
Сүйді беттен.
Жан-жағың жыр тамаша,
Тояр ма көз, қараса!
Торғын көк – тұңғиық
Тұр ғой нұр құйып,
Ән шырқашы жан қалқау!
Армысың, көктем!
Аңсадық көптен,
Аңсады тау да, дала да.
Тамылжы, арала,
Гүл бол да, жайна,
Бұлбұл бол, сайра,
Толтыр да бақыт жүрекке,
Сайра да жайна!
Бақ іші бір гүлзар,
Сайрайды бұлбұлдар,
Тынбай ұшып.
Бұлаққа қарайды,
Қыз шашын тарайды,
Гүл майысып.
Сағым шалған манар тау
Мұнартып тұр самарқау.
Сан бұлақ ырғиды,
Қаптап ылдиды.
Ән шырқашы, жан қалқа-ау!
Армысың, көктем!
Аңсадық көптен,
Аңсады тау да, дала да.
Тамылжы, арала,
 Гүл бол да, жайна,
Бұлбұл боп, сайра,
Толтыр да бақыт жүрекке,
Сайра да жайна!